Nikkah sirf do afraad ke darmiyan aik muahida nahi hai, balkay yeh do roohon ka aik pakiza milan hai jo Allah ki raza aur Sunnat-e-Rasool (S.A.W) ke mutabiq hota hai. Islam mein nikkah ko nisf imaan qarar diya gaya hai, jo is baat ki alamat hai ke aik mard aur aurat jab is rishtey mein bandhte hain toh woh zindagi ki mushkilat ka samna mil kar karne aur aik dusre ke sakoon ka zariya banne ka ahad karte hain.
Aaj ke daur mein jahan rishton mein bikhrao aam hai, nikkah humein sabaq deta hai ke mohabbat ka asli maza aur barkat sirf halaal raste mein hai.
Yeh rishta bharose, izzat aur sabr ki bunyaad par khara hota hai. Nikkah ke zariye hi aik naye khandan ki bunyaad parti hai jo muashre ki behtari mein apna kirdar ada karta hai. Hamein chahiye ke hum nikkah ko asaan banayen aur is mubarak mauqe par fuzool rasoomaat se bach kar sirf Allah ki bargah mein shukr guzari ka jazba rakhein, taake hamari zindagi mein sukoon aur barkat barkarar rahe.
.
Post a Comment